“ப்ச், வேற என்ன ண்ணா பண்ண. முடிஞ்ச அளவு பக்கத்து ஊரு நம்ம ஊருன்னு தேடி பார்த்தாச்சு எல்லாம் யோசிச்சு சொல்றோம்னு தான் சொல்றாங்களே தவிர நம்ம சொல்றத நம்ப மாட்டிக்கிறாங்கலே ண்ணா“
“பையனுக்கு கல்யாணத்துல இஷ்டம் இல்லன்னு சொன்ன யார் தான்டா நம்புவா எல்லாரும் வேற ஏதாவது பிரச்சன இருக்குமோன்னு பயப்படுறாங்க “
“அதுக்கு தான ண்ணா சில இடத்துல பழைய காதலை மறக்க முடியாம இப்படி இருக்கான்னு சொன்னோம் “
“அப்படியும் தான் ஒத்துக்கல, எங்க கல்யாணத்துக்கு அப்பறம் அந்த பொண்ணு வந்த இவன் விட்டுருவானோன்னு பயப்படுறாங்க “
“போங்க ண்ணா என்னால இதுக்கு மேல யோசிக்க முடியல “
“நம்பிக்கையைத் தளர விடாத வீரா “ என்று அவர் தோளில் கை வைத்து சமாதானம் செய்து விட்டு
“சரி வா வீரா நேரம் ஆச்சி, வீட்டுக்கு போவோம் “ என்று இருவரும் தோப்பை விட்டு வெளியே நடந்து வரும் போது தூரத்தில் தோப்பின் மறுபக்கம் ரோட்டின் அருகே யாரோ இருவர், ஆணும் பெண்ணுமாக நின்று பேசிக்கொண்டு இருப்பது போல தெரியவும்
“இதோ பாரு வீரா, இப்போ இருக்கிற பசங்கெல்லாம் என்னா வேகத்துல இருக்காங்கன்னு பாரு, எல்லாம் பொண்ணு பின்னாடி தான் சுத்துறாங்க “
“எங்க ண்ணா , நம்ம வீட்டில் ஒன்று இருக்குதே விசித்திரம், பொண்ணு பின்னாடி சுத்தாம எருமை பின்னாடி போய் சுத்திட்டு இருக்கு “
“நம்ம பையன எதுல சேக்குறதுன்னே தெரியல்லைடா வீரா. சரி அதை விடு முதலில்ல அங்க பேசிட்டு இருக்குறது யாருன்னு பார்ப்போம் “ என்று இருவரும் அருகே சத்தம் போடாமல் நடந்து சென்று பார்த்தனர்.
அங்கு இருந்தவனை பார்த்து இருவரும் அதிர்ந்து அங்கேயே உறைந்து நின்று விட்டார்கள்.
“ அண்ணா… என் கண்ணுக்கு எல்லாம் தப்பு தப்பா தெரியுது ண்ணா நீங்க கொஞ்சம் அது யாருன்னு பாத்து சொல்லுங்க மொதல்ல கண்ண கொண்டு போய் டாக்டர் கிட்ட காமிக்கனும்” என்று அவர் கண்ணை கசக்கி கொண்டு பார்தார்.
“வீரா எனக்கும் தப்பா தான்டா தெரியுது ரெண்டு பேருக்கும் கண்ணு போயிடுச்சா “ என்று ஒருவரை ஒருவர் மாற்றி பாத்துக்கொண்டனர்.
“ஒரு வேளை நம்ம அவுங்கள பத்தியே பேசிட்டு வந்ததனால இப்படி தெரியுதோ ண்ணா”
“அப்படினா எனக்கும் அதே போல வா தெரியும் இல்ல கண்ணு தான் நமக்கு போச்சா “
அதை கேட்ட வீரா மீண்டும் கண்களை கசக்கி விட்டு நன்றாக உற்று பார்த்தவர்.
“கண்ணுலாம் நல்லா தான் இருக்கு போலன்னா அங்க நிக்குறது நம்ம விக்ரமனே தான் ண்ணா “
“அவன் கூட நிக்குறது பொண்ணு தான தம்பி? இல்ல மாறன் தான் என் கண்ணுக்கு பொண்ணு மாதிரி தெரியுறான “
“அண்ணா…. அது மாறன் இல்ல ண்ணா நம்ம மாறன் என்ன ஊதாகலர் சுடிதாரா போட்டு சுத்துறான் . அந்த புள்ள நம்ம ஊரு டீச்சர் ண்ணா”
“டீச்சரா……அதான் எங்கயோ பார்த்த மாதிரி இருக்கு. இவன் என்ன பண்றான் அந்த டீச்சர் கூட இந்த தோப்புள “
“ தெரியலயே ண்ணா. இங்க என்ன தான் நடக்குது ஒண்ணுமே புரியல ண்ணா ஒரே குழப்பமா இருக்கு “
“இவனும் மாறணும் தான விரும்புறாங்கன்னு சொன்னாங்க அப்போ இவன் மாறன் கூட தான இருக்கணும் “
“ஆமா அவன் கூட தான ண்ணா இருக்கனும் நிய படி “
“ சரி அதை அப்பறம் யோசிப்போம் மொதல்ல இவுங்க என்ன பேசுறாங்கன்னு கேப்போம் வா வீரா. “ என்று மேலும் இவர்கள் நெருங்கி சென்றனர்.
