உயிரே எனை பிரிந்ததேன் 21 & 22

அத்தியாயம்-22

பார்கவியின் முறைப்பதை பார்த்த சுவாதி என்ன டி ஏன் என்னை இப்படி பார்க்கிறாய் நான் என்ன உன் லவ்வர் சந்துரு மாதிரியா இருக்கிறேன்.அவனை பார்த்துவிடும் ரொமான்டிக் லுக்கை என்னை பார்த்து விடுகிறாய் என்று கேட்டாள்.

ஏன் டி நான் பார்த்ததுக்கு பெயர் ரொமன்டிக் லுக்கா?லேட்டாக ஓடி வந்து பஸ்ஸை பிடித்துவிட்டு உனக்கு நக்கல் வேறு.எதற்காக டி உனக்கு டெய்லி லேட்டாகிறது.நீ எழுந்து ஒரு வேலையும் செய்வதில்லை.உன் புக்கை கூட மாலதிதான் எடுத்து வைப்பாள்.சாப்பாடு ஒரு ஆள் பின்னாடியே வந்து ஊட்டுகிறார்கள் என்றவளை சுவாதி ஆச்சரியமாக பார்க்க,என்ன பார்வை நாங்கெல்லாம் யாரு ஒற்றர் படை மூலம் எனக்கு நியூஸ் வந்துவிட்டது என்று கெத்தாக கூறி சுடிதாரில் இல்லாத காலரை தூக்கி விட்டாள்.

பார்கவியை பார்த்து சிரித்த சுதி ஏன்டி தேவை இல்லாததுக்கு எல்லாம் வேலை செய்யும் உன் ஒற்றர் படை உனக்கு தேவையான விஷயத்தை சொல்லாத என்று கேட்டாள்.

பார்கவி ஒன்றும் புரியாமல் விழித்தாள்.என்ன புரியவில்லையா உனக்கு தகவல் கொடுத்த உன் லவ்வர் என் எதிர் வீட்டு சந்துருக்கு அத்தை மகள் என்று ஒருத்தி வந்து ஒரு வாரமாக வீட்டில் தங்கியிருக்கிறாள்.அது மட்டும் இல்லாமல் நம்ம காலேஜ்ஜில் தான் அவளுக்கு அட்மிஷன் போட்டு இருக்கிறார்கள் என்று கூறியவள் எரிகிற நெருப்பில் என்னை விடுவது போல் அவள் பார்க்க வேற அழகா சமந்தாமாறியே இருக்கிறாள் என்று கூட இரண்டு பிட்டு சேர்த்து போட்டாள்.

அத்தை மகள் ரத்தினம் வந்து ஒரு வாரமாக டேரா போட்டு இருக்கிறாள் அவளை பற்றி கேட்பதை விட்டுவிட்டு நான் என்ன செய்கிறேன் என்று ரன்னிங் கமெண்டரி கேட்டு கொண்டு இருந்திருக்கிறாய் என்று சொன்னதுதான் தாமதம் பார்கவியின்  முகம் கோபத்தில் தக்காளி பழம் போல் சிவந்து போனது.அவள் கோபமாக தனக்கு பின் சீட்டில் அமர்ந்திருந்த சந்துருவை திரும்பி பார்க்க,இவ்வளவு நேரமும் இவர்கள் பேசியதை கேட்டு கொண்டிருந்த சந்துரு அடி பாவி போட்டு கொடுத்துவிட்டாயே என்று கூறி ஓடி போய் கடைசி சீட்டில் அமர்ந்து கொண்டான்.

பார்கவி அவனை பார்த்து முறைக்க,நான் சொன்னது கரெக்ட்டா என்று கேட்டாள் சுதி.என்ன கரெக்ட் என்று கேட்ட தோழியை குறும்பாக பார்த்து உன்னுடைய ரொமாண்டிக் லுக் என்றாள் சீரியசாக,அவளது முகம் சீரியசாக இருந்தாலும் அவளின் கண்கள் சிரித்து கொண்டிருந்தது.ஒரு வழியாக சுதி கிண்டலிலும்,பார்கவி கடுப்பிலுமாக காலேஜ் வந்தனர்.

பிரேக் நேரத்தில் கேண்டினில் இருந்து வகுப்பிற்கு சென்று கொண்டிருந்த சுவாதி  எதிரே வந்த சந்துரு என்ன நாரதரே வேலை சிறப்பாக முடிந்ததா.

சந்துருவின் பேச்சிலேயே அவன் கடுப்பின் அளவை தெரிந்து கொண்டவள் அலட்டி கொள்ளாமல் என் மீது தப்பில்லை என்னை வெறுப்பேத்தும் வேலையை நீ செய்தாய் உன்னை வெறுப்பேத்தும் வேலையை நான் செய்தேன் என்றாள் கூலாக.

சந்துருவோ விளையாடாதே சுதி அவள் என்னுடன் பேசமாட்டிக்கிறாள் என்றான் வருத்தமாக.

அய்ய மூஞ்ச இப்புடி தயவு செஞ்சு மாத்தாத.அப்பாவி லுக் உனக்கு வரல.இனி என்னைபற்றி ரன்னிங் கமெண்ட்ரி குடுக்கமாட்டேன் என்று சொல் மேற் கொண்டு நீ என்ன செய்ய வேண்டும் என்று நான் சொல்கிறேன் என்ன டீலா நோ டீலா சீக்கிரம் சொல்.

பார்கவியை சமாளிக்க வேறு வழி இல்லை என்பதை உணர்ந்த சந்துருவும் ஒத்து கொண்டவனாக டீல்..டீல் என்றான்.என்ன செய்ய வேண்டும் என்று கேட்க அவள் சொன்ன ஐடியாவை கேட்டு சூப்பர் என்று சொல்லி அதன்படியே செய்கிறேன் மகாராணி.இப்போது எனக்கு உத்தரவு கொடுங்கள் என்று கிண்டலாக கூற அவளும் சிரித்து கொண்டே தலையாட்டினால்.

ஒருவழியாக பார்கவியை சமாதானம் செய்த சந்துரு கட்டை விரலை உயர்த்தி வெற்றி சிம்பலை சுதிக்கு காட்டிவிட்டு சென்றான்.அன்று எந்த பிரச்சனையும் இல்லாமல் வீட்டிற்க்கு வந்தவளை வரவேற்றது மாலதியின் சந்தோஷமான முகமே.

என்ன சந்தோஷமான விஷயமா இருக்கும்.இவளுக்கு ஆள் செட் ஆகி இருக்கமோ……………

மாலதியின் முகத்தை பார்த்தே ஏதோ சந்தோசமான விஷயம் என்று அறிந்த சுதி அவளிடம் வழக்கம் போல் வம்பிழுக்க ஆரம்பித்தாள்.

என்ன குட்டிமா முகத்தில் தௌசண்ட் வாட்ஸ் பல்ப் எரிகிறது என்று கேட்டாள்.

மாலதி சிரித்து கொண்டே உனக்கு இரண்டு சந்தோசமான விஷயம் என்று கூறினாள்.உடனே சுதி என்ன கல்யாணத்திற்கு போன இடத்தில் உனக்கு கல்யாண மாப்பிளையை பார்த்துவிட்டாயா என்று கிண்டலாக கேட்க.

உனக்கு எல்லாம் கிண்டல்தான் என்னை கேலி செய்தாய் இல்லயா உனக்கு ஒரு விஷயம் மட்டும்தான் சொல்வேன் மற்றொன்றை சொல்லமாட்டேன் என்று சொன்னாள்.அவள் சொன்ன நேரம் தேவதைகள் சுற்றிவரும் நேரம் போல அவர்கள் ததாஸ்த்து சொன்னதாலோ என்னவோ அந்த மற்றொரு விஷயத்தை மாலதியால் சுதிக்கு சொல்லமுடியாமல் போனது.

சரி மேடம் ரொம்ப பண்ணாதிங்க என்ன அந்த இரண்டு விஷயம் என்று கேட்க மாலதி பிடிவாதமாக மற்றொரு விஷயத்தை சொல்ல மறுத்தவள்.ஒரு விஷயத்தை மட்டும் சொன்னால்.அது என்னவென்றால் சுவாதி டூர் செல்ல லட்சுமி ஓ.கே சொன்னது தான்.

சரி எப்படி இருந்தாலும் அந்த இன்னொரு விஷயத்தை என்னிடம் சொல்ல வருவாய்தானே அப்போது பார்த்து கொள்கிறேன் என்று அவளும் அதோடு விட்டுவிட்டாள்.

நாட்கள் அதுபோக்கில் நகர சுதி டூர் செல்லும் நாளும் வந்தது.அம்மாவின் சிலபல அட்வைஸ்களுக்கு பிறகும் மாலதியின் பத்திரம் பத்திரம் என்ற ஜெபத்தை கேட்ட பிறகும் பெங்களுருக்கு பஸ் ஏறினாள்.

சுதி வரும்போது சர்ப்ரைஸ் கொடுக்க வேண்டும் என்று மாலதி ஒரு சில விஷயங்களை செய்துவிட்டு.மற்றொரு சந்தோஷமான விஷயம் என்ன என்று சுதியிடம் சொல்வதற்கான நேரம் வந்துவிட்டது என்று அவளுக்காக காத்திருந்தாள்.

மாலதியின் கெட்ட நேரம் அப்போதுதான் ஆரம்பித்தது.ஆம் அவள் திருமணத்திற்கு சென்ற இடத்தில் அவளை பார்த்த ராம் என்ற உள்ளூரில் இருக்கும் ஒரு பரம்பரை பணக்காரர் அவளை பெண் கேட்டு வர லட்சுமியும்,மாலதியும் பயந்துதான் போனார்கள்.

ஏன் என்றால் உள்ளூரில் அவனுக்கு இல்லாத செல்வாக்கு இல்லை.அவனுக்கு வயது 35க்கு மேல் இருக்கும். அவனின் முதல் மனைவிக்கு ஆண் குழந்தை இல்லை என்ற காரணம் தான் அவனின் இரண்டாவது திருமணத்துக்கு முக்கிய காரணமாம்  இது அவனே சொன்னது.

அவன் சொல்வதை கேட்ட லட்சுமிக்கு எங்கிருந்துதான் அவ்வளவு கோபம் வந்ததோ,அவன் சட்டையை பிடித்து வீட்டைவிட்டு வெளியே இழுத்து வந்தவள்.

“வெளியே போடா நாயே உன் ஆசைக்கு தலையாட்ட இங்கு யாரும் உன் அடிமை இல்லை”எவ்வளவு தைரியம் இருந்தால் என்னிடம் வந்து இப்படி சொல்வாய்.என் மகள் அந்த கோவிலில் இருக்கும் தெய்வம் போல கலங்கம் இல்லாதவள் அவளுக்கு உன்னை போன்ற ஒரு தருதலைக்கு கட்டி கொடுப்பேன் என்று எப்படி எதிர் பார்க்கிறாய்.என் மகளை கைகளில் வைத்து தாங்குபவனுக்குதான் நான் மணமுடித்து கொடுப்பேனே ஒழிய உன்னை போன்ற தெருதெருவாக அழையும் நாய்க்கு கொடுக்கமாட்டேன் என்று கோபத்தில் என்ன பேசுகிறோம் என்று அறியாமல் பேசிவிட்டார்.அவர் கோபத்தில் பேசியதற்கான தண்டனையை அவர் மகள் அனுபவிக்க போகிறாள் என்பதை அறியாமல்.

லட்சுமி பேசியதை கேட்டு முகம் கருத்து அவரை தீர்க்கமாக பார்த்த ராம்.நீ இப்போது பேசியதற்கு நிச்சயம் வருத்தபட வைப்பேன்.இப்போது அமைதியாக போகிறேன் என்று நினைக்காதே.நீ இப்போது மிதித்தது பாம்பின் வாலை அது நிச்சயம் உன்னை கொத்தாமல் விடாது என்று கூறி அவன் பார்த்த பார்வை லட்சுமியின் முதுகெலும்புவரை சில்லிட செய்தது.அது மட்டும் இல்லாமல் அவன் முகம் சொல்வதை செய்வேன் என்பதை போல் இருக்க.என்ன செய்வது என்று தெரியாமல் தத்தளித்தனர் தாயும் மகளும்.

சுவாதிக்கு தொடர்பு கொண்ட போதும் ரோமிங் மற்றும் சிக்னல் பிராப்ளத்தால் அவளிடமும் எதுவும் சொல்ல முடியாமல் தவித்தனர்.

இந்த சூழ்நிலையில்தான் ராம் தனக்கு சாதகமாக ஒவ்வொரு அடியையும் எடுத்து வைத்தான்.குடிக்கு ஏற்கனவே அடிமையாய் இருந்த கோவிந்தனுக்கு பாரின் சரக்கு என்று இலவசமாக கொடுத்து அவனை குடிக்க வைத்து முழு நேரமும் போதையில் இருக்கும் படி பார்த்து கொண்டவன்.அவர் போதையில் இருக்கும் போது வெற்று தாளில் கையெழுத்து வாங்கி வைத்து கொண்டான்.

ராம் பொண்ணு கேட்ட விட்டு சென்று நான்கு நாட்கள் ஆன நிலையில் தங்களது வேலைகளை மட்டும் செய்து கொண்டும் வெளியே வராமல் இருந்த தாயும்,மகளும் தன் வீட்டின் முன்பு ஏதோ சளசளப்பு சத்தம் கேட்டு வெளியே வர அங்கு ராம் தான் அடிபட்ட பாம்பாக சீறிக்கொண்டிருந்தான்.

என்ன சொல்கிறான் என்று கேட்ட லட்சுமிக்கும், மாலதிக்கும் தலையில் யாரோ இடியை இறக்கியது போல் இருந்தது.அதாவது கோவிந்தன் தன் மகளை மணமுடித்து தருவதாக சொல்லி அவனிடம் இலட்ச கணக்கில் கடன் வங்கிவிட்டு இப்போது பொண்ணு தர முடியாது என்று லட்சுமி சொல்வதாக சொன்னான். அவனின் செல்வாக்கால் மூன்று நாட்கள் முன் போட்ட கையெழுத்து ஒரு வருடத்திற்கு முன்பு போட்டது போல் தயார் செய்யபட்டு இருந்தது.

பத்தாதற்க்கு கோவிந்தனும் அவனையே திருமணம் செய்து வைத்தாள் மாலதி பெயரில் இருக்கும் சொத்தை தனக்கு மாற்றி கொள்ளலாம்.ஊரில் இவனுக்கு இல்லாத சொத்தா என்று பலவாறு ஆசைகாட்டி கோவிந்தனையும் கைக்குள் போட்டு கொண்டான்.

லட்சுமியும்,மாலதியும் என்ன செய்ய போகிறார்கள்…..