வெள்ளி மாலை ஒரு பிரபல ஹோட்டலில் இரண்டு குடும்பமும் சந்தித்துக் கொண்டனர். தாத்தா பெரியவராக இருந்து, பேச்சு வார்த்தைகளை நல்லபடியாகக் தொடங்கி வைத்தார்.
ரகு, மாலினிக்கு….
இனியாவையும், அவள் குடும்பத்தை நேரில் பார்த்ததும் பரமதிருப்தி. இனியாவை தன் அருகே மாலினி அமர்த்திக் கொண்டார்.
விக்ரம் வீட்டில் பிகு பண்ணாமல் நேராக விசயத்திற்கு வர,
“பசங்க விரும்பிட்டாங்க, அடுத்த கட்டத்திற்கு நாம் நல்லபடியாக எடுத்துச் செல்ல வேண்டும் என நினைக்கிறேன்…” என ரகு பேச்சை ஆரம்பித்தார்.
கார்த்திகேயனும், “வளர்ந்த பிள்ளைகளின் முடிவை நாம் மதிக்கத்தானே வேண்டும்…” எனப் பேச்சைத் தொடர்ந்தார்.
மேலும், “ ரொம்ப நாள் வெளியே தெரியாமல் தள்ளிப் போடுவது நன்றாக இருக்காது என நினைக்கிறேன்…..” எனப் பெண்பிள்ளை பெற்றவராய்த் தன் கவலையைத் தெரிவித்தார்.
“நாங்களும், தேவையில்லாத வதந்திகளுக்கு வழிவகுக்கக் கூடாது என யோசித்து வந்தோம். விக்ரம் லண்டன் டிரிப் முடிந்தவுடன், நல்ல நாளாகப் பார்த்து நிச்சயதார்த்தம் முடித்து விடலாம். திருமணம் கூட இவர்கள் விருப்பப்படி ஒரு வருடம் கழித்து வைத்துக் கொள்ளலாம்…”
“ஒரு வருடம் கழித்து திருமணம் என்பதால் நிச்சயதார்த்தத்தைப் பிரமாண்டமாகச் செய்து, அனைவருக்கும் அறிவித்துவிடலாம்….” என்றார் மாலினி.
கார்த்திகேயன், கவிதா தம்பதியருக்கும், இந்த முடிவு சரியென்று பட ஒத்துக் கொண்டனர்.
“ நான் ஜோசியரைப் பார்த்து, இரண்டு, மூன்று நாட்கள் வாங்கி விட்டு, உங்களைக் கூப்பிடுகிறேன். எந்தத் தேதி ஒத்து வருது எனப் பார்த்து மண்டபம் முதலியவற்றை முடிவு செய்து விடலாம்…” என விக்ரமன் பொறுப்பைத் தனதாக்கிக் கொண்டார்.
அனைவரும் திருப்தியாகக் கலைந்து சென்றனர்.
வீட்டிற்கு வந்த கவிதா, “ரொம்ப சந்தோஷமாக இருக்கிறதுங்க, விக்ரம் வீட்டில் அனைவரும் எந்த அரசியல் பந்தா இல்லாமல் யதார்த்தமாக இருக்கிறார்கள், தன்மையாகவும் பழகுகிறாள்”
“தாத்தா பொறுப்பை எடுத்துக் கொண்டது கூட நல்லது தான், நமக்கும் பேச, எண்ணங்களைப் பகிர்ந்து கொள்ள ஈஸியாக இருக்கும்….” என்றார் கார்த்திகேயன்.
“என்ன ஜில்லு, ஹாப்பியா?”என விக்ரம் கேட்க,
“இப்போது தான் நிம்மதியாக இருக்கிறது…” என அவளும் வளவளத்து விட்டுப் போனை வைத்தாள்.
நாட்கள் அதுபாட்டிற்குப் போக, அனைவரும் அவர்கள் வேலையில் பிஸியானார்கள்.
ஒரு பக்கம் ரோஜாவின் வழக்கும் பல கோணங்களில் போய் கொண்டிருந்தது.
சேனலில் புதிய மாற்றமாக, கவுன்சிலிங் கமிட்டிக்குப் புது ரத்தம் பாய்ச்சப்பட்டது. நிறைய மாற்றங்கள் செய்யப்பட்டன. பல துறைகளில் இருந்து வல்லுநர்கள் சேர்க்கப்பட்டனர்.
மன உளைச்சலுக்குக் ‘கவுன்சிலிங்கே சரியான தேர்வு’ என விழிப்புணர்வு ஏற்படுத்த முயற்சிகள் மேற்கொள்ளப்பட்டன. ரகசியங்கள் காக்கப்படும் என்ற நம்பிக்கை தரப்பட்டது.
மேலும் பணப் பிரச்சனைகளுக்கும் வழிகாட்டவும், தீர்வு அளிக்கவும், உதவவும் இந்தக் குழுவில் ஏற்பாடு செய்யப்பட்டது
மாத இறுதியில் மீட்டிங் எனவும், அங்கு எல்லா பிரச்சனைகளும் விவாதிக்கப்பட வேண்டும் என முடிவு செய்யபட்டது.
‘சி’ சேனல், அதன் மூன்று மொழியிலும் செய்த இந்த முன்னெடுப்பிற்குப் பல இடங்களில் இருந்து பாராட்டுக்கள் கிடைத்தன. இவர்களைத் தொடர்ந்து, பல சேனல்கள் இந்த கமிட்டியை அமைக்க முற்பட்டன.
இனியாவும் இவன் முன்னெடுப்பைக் கண்டு மிகவும் சந்தோஷமானாள். நேரில் சந்தித்தபோது சிலபல சன்மானங்களுடன் தன் நன்றியைத் தெரிவித்தாள்.
“இதற்காகவே அம்மணி சொல்வதையெல்லாம் செய்யலாம் போல…” எனக் கேலி செய்தான்.
பின், “ஜோக்ஸ் அபார்ட் ஜில்லு, ரோஜாவின் மரணம் என்னையும் உலுக்கி விட்டது. இன்னொரு முறை இப்படி ஒரு மரணம் நிகழக் கூடாது என நினைக்கிறேன். நல்ல பெண், நிச்சயம் நிறைய சாதித்திருப்பாள். தப்பான தேர்வு, அதைத் தைரியமாக எதிர் கொள்ளாமல் போய்விட்டாள்…” என வருத்தப்பட்டான்.
நேரம் கிடைக்கும் போது சந்தித்துக் கொண்டார்கள். மற்றபடி வழக்கம் போல் போனில் காதல் வானில் பறந்தனர்.
லண்டன் செல்வதற்கு முன் விக்ரமைச்சந்தித்த இனியா, “தல…” என இழுக்க,
“என்ன அம்மணி, ஏதோ அப்ளிக்கேஷனோடு வந்திருக்காயா?” எனச் சரியாகக் கேள்வி கேட்டான்.
“என் நண்பரிகளிடம் அஃபிஷியலாகத் தெரிவிக்கும் முன் சொல்ல வேண்டும் என நினைக்கிறேன். அவர்களுக்கும் எவ்லோருக்கும் தெரியும் பொழுது சொன்னால் நன்றாக இருக்காது, தர்மசங்கடமாகி விடும்….” எனத் தன் கருத்தைச் சொன்னாள்.
“நீ சொல்வதும் சரிதான் ஜில்லு, சரி, சொல்லி விடு பார்த்துக் கொள்ளலாம்…” எனச் சம்மதம் சொன்னான்.
“எனக்கு ஒரு மாதிரி வெட்கமாக, சங்கடமாக இருக்கிறது. நீங்களும் வாங்களேன்….” என மனு போட்டாள்.
“ம்ம்…” என புன்னகைத்தவாறு, “சரி, இந்தச் சனி, ஞாயிறுகளில் எந்த நாள் சரியாக வரும் எனப் பேசி, விசயத்தை சொல்லாமல் ஹோட்டலில் டின்னருக்கு ஏற்பாடு செய். நான் பார்த்துக் கொள்கிறேன்.மேலும், நானும் திங்கள் அன்று லண்டன் செல்கிறேன். அதனால் நான் வருவதற்குள் இது ஒரு வழியாகச் செட்டிலாகிவிடும்இனியா….”
“ஞாயிறு இரவு என்னுடைய ட்ரீட்…” என மூவரையும் அழைத்திருந்தாள்.
“என்ன ஸ்பெஷல்?” எனஅனு கேட்க,
“ சும்மா தான்…”
“நம்ப முடியவில்லையே…”என வசந்த் இழுக்க ,
இனியா அசடு வழிந்தபடி, “இருக்கு, அங்க வாங்க சொல்கிறேன்…” என முடித்தாள்.
“எனக்குக்கல்யாணம் முடிவாகிஇருக்கு, அதைக்கொண்டாடத் தான் இந்தட்ரீட்….” என்று குண்டைத்தூக்கிஅசால்ட்டாகப்போட்டாள்.
மூவரும் திகைத்துப்பார்த்தனர். பின் சுதாரித்த அனு, “என்னஇனியா, இவ்வளவு மெதுவாகச்சொல்கிறாய்…. பேச்சு வார்த்தை நடந்ததைப்பற்றி எதுவுமேசொல்லவில்லை….” என்று கோபப்பட,
“திடீரென முடிவாகிவிட்டதா?” என் அர்ஜுன் கேட்டான்.
இடைபுகுந்த வசந்த், “வெய்ட், இவள்பேசுவதைப்பார்த்தால், நிச்சயகப்பட்டதிருமணம்மாதிரி தெரியவில்லையே…! சோற்றைவாங்கிப்போட்டு, சாட்சிகையெழுத்துக்குஆள்பிடிக்கிறாள்எனநினைக்கிறேன்…..” என்று சந்தேகத்தைக்கிளப்ப,
“தலநம்மைநோக்கித்தான் வருகிறார். அவர்ஒன்றும்பந்தாபேர் வழியில்லை.நாமேமுதலில்ஒருஹலோசொல்லியிருக்கலாம். மரியாதையாகஇருந்திருக்கும்….” என்று புலம்பியபடி எழுந்து, “ஹலோஸார்…” என்றான்.
வேறுவழியில்லாமல் அனைவரும் எழுந்து விக்ரமைவரவேற்றனர்.
“வாங்கஸார், உட்காருங்கள்….” எனஅர்ஜுன் ஒருமரியாதைக்காகச் சொல்ல, யாரும் எதிர்பாராத வண்ணம், விக்ரம்இனியாஅருகில்இருந்த இருக்கையில் அமர்ந்தான்.
அனைவரின் திகைத்தமுகத்தைக்கவனித்தே,இன்னும் இனியாசொல்லவில்லைஎன்பதைப்புரிந்து கொண்டவன், சிறிது நேரம் விளையாடலாம்என்று நினைத்து,
வசந்த்தும்,அனுவும்இனியாவைப்பரிதாபமாகப் பார்க்க, இனியா வின் நிலைமையைப் கேட்க வேண்டுமோ? என்னசொல்லப்போகிறானோ? எனப்பயத்தோடுஅர்ஜுனைப்பார்த்தாள்.
“இனியாவிடம் நம்சேனலில்இருந்து ஒருபாவப்பட்ட பையன்மாட்டிகிட்டான்போல, அவனைப்பற்றித்தான்விசாரித்துக்கொண்டிருந்தோம். நீங்கள் சரியாக என்ட்ரிகொடுத்தீர்கள். முடிந்தால் அவனைக்காப்பாற்ற வேண்டும்….” என்று வழக்கம் போல்இனியாவைடாமேஜ்செய்தான்.
இனியாகடுப்பின் உச்சியில், தன்தீப்பார்வையைப்பாஸிடம்செலுத்த, அதைக்கவனிக்கும்மனநிலையில் அர்ஜுன் இல்லை. தலையோடு சேர்ந்துஅமர்ந்திருப்பதிலேபூரித்துப்போயிருந்தான்.
“யார் என்று சொல்இனியா?” என்று அர்ஜுன் கேட்க,
பேரர்ரசமலாயோடுவர,
நாங்கள் எதுவும் ஆர்டர்பண்ணவில்லையே…. என்று யோசனையோடு, ஏதேனும் காம்ப்ளிமென்ட்டோ… எனப்பெற்றுக்கொண்டனர்.
விக்ரம், இனியாவைப்பார்த்து வாய்கொள்ளாச்சிரிப்போடு, “யாரும்மா அது?” என்று கேட்க,
விக்ரம் மீண்டும் தன்கம்பீரக்குரலில், “நாங்கள்விரும்புகிறோம்…. இரண்டு வீட்டுப்பெரியவர்களும்பேசிவிட்டார்கள். அநேகமாக இரண்டு மாதத்தில்நிச்சயதார்த்தம் இருக்கும்…” எனமுகத்தில் மெல்லிய புன்னகையோடுதெரிவித்தான்.
அஃபீஷியலாகவெளியே தெரிவதற்குமுன், உங்ககிட்ட நாங்கஇரண்டு பேரும் சேர்ந்து சொல்லவேண்டும் என்று இனியாபிரியப்பட்டாள்.அதான்இந்த மீட்டிங்…” என் முடித்தான்.
“வாழ்த்துக்கள்….” என்றவர்கள், அடுத்து என்ன பேசுவது? எனத்தெரியாமல் அமைதிகாத்தனர்.
அவர்களின் நிலைமையைப்புரிந்த விக்ரம், “ஓ.கே. ஃபிரெண்டஸ்…. நாளைக்குத் காலையில்ஃபிளைட். நான் கிளம்புகிறேன். நீங்கள் ரிலாக்ஸாக சாப்பிட்டுக்கொள்ளுங்கள்….” எனஎழுந்தவன், பின்இனியாவிடம் குனிந்து, “என்னைவைத்து எஸ்கேப் ஆகலாம் எனப்பார்த்தாயா? தங்கமணிஎன்ஜாய்….”. எனக்கிசுகிசுத்துவிட்டு, “அவளைப்பத்திரமாகடிராப் செய்து விடுங்கள் வசந்த்…” எனச்சொல்லிச்சென்றான்.
இனியாவிற்கு, உங்கள் நட்பு எவ்வளவு முக்கியம்என்பதையும், அவளைடிராப் செய்யச்சொன்னதில்இருந்து…. நானும்அவர்களின்நட்பைமதிப்பதை உணர்த்தியவிதத்திலும் பேச்சற்ற இருந்தனர்.
இனியாவும் அவன்பேச்சில்மகிழ்ந்துபோனாள்.
அத்தியாயம் 68
விக்ரம் கிளம்பியவுடன், இனியா மெதுவாகத் திரும்ப, மூன்று பேரும் தீப்பார்வை பார்க்க ,
‘அனைவரும் கொலை வெறியில் இருக்கிறார்கள். அப்படியே சரண்டராயிடு இனியா, அப்போது தான் சேதாரம் கம்மியாகும்’ என மைண்டு வாய்ஸ் சொல்ல,
“அனு…” என இழுக்க,
“பேசாத…. அழுத்தமான ஆளு தான் நீ, ஏவ்வளவு பெரிய விசயத்தை மறைத்திருக்கிறாய்?” என அனு பொரியத் தொடங்கினாள்.
“நான் முதலிலே சொல்லலாம் என்றேன். தல தான் கொஞ்ச நாள் போகட்டும். முடிவாகி விட்டுச் சொல்லாம் என்றார்…” எனப் பாவமாக முகத்தை வைத்தபடி அனைவரையும் பார்த்தாள்.
பின் வசந்த், அனுவிடம், தன் பப்பு வேகாது என்பதை உணர்ந்தவள். ‘ரூட்டை மாத்து’ என வண்டியை பாஸ் பக்கம் திருப்பினாள்.
“பாஸ், நீங்களே சொல்லுங்கள்… தல பேச்சுக்கு மறு பேச்சுப் பேசமுடியுமா?” எனப் பிராதைத் தல ரசிகர் மன்றத் தலைவரிடம் எடுத்துச் சென்றாள்.
உடனே அர்ஜுனும், “பாவம் அனு, அவள் என்ன பண்ணுவா?” என வக்காலத்து வாங்க,
“ அவள் தல பேச்சு எடுத்து உன்னைக் கவிழ்க்கப் பார்க்கிறாள், லேசில் விடாதே அர்ஜுன்….“ என்றான் வசந்த்.
“நாலு நாளைக்கு முன்னால் தான், விக்ரமோட பெற்றோருக்கே தெரியும். வெள்ளி அன்றுதான் இரண்டு பக்கமும் பேசி முடிவாகியது…. உடனே உங்களுக்குத் தானே சொல்லுகிறேன்….”
இந்தச் செய்தியால் மனம் குளிர்ந்தார்கள். சற்று சமாதானமடைந்தார்கள்.
“சரி சாப்பிடலாம். அப்படியே உன் காதல் கதையைச் சொல்…” எனச் சமாதானப் புறாவைப் பறக்க விட்டனர்.
“ஙே..” என விழித்தவள், “மானேஜருக்காக விக்ரமிடம் பேசினேன் இல்லையா? அது அப்படியே தொடர்ந்தது. ஒரு பாயிண்டில் அது நட்பைத் தாண்டிச் செல்கிறது எனப் புரிந்தது…” எனத் திருக்குறள் மாதிரி இரண்டு வரியில் சொன்னாள்.
“பாருடா, தல கூட சேர்ந்து, நம்ம இனியாவும் சிக்கனமாகப் பேசுகிறாள்…” என அனு கேலி செய்ய,
இனியா வெட்கப்பட்டாள்.
இதைப் பார்த்த வசந்த், “இதுக்கு மேல் எந்த அதிர்ச்சியும் கொடுக்காதே, என் சின்ன இதயம் தாங்காது. ஏற்கனவே உன் முதல் அதிர்ச்சியில் இருந்தே வெளியே வரவில்லை. அதற்குள் நீ இப்படி வெட்கப்பட்டால், ஆஸ்பத்திரி நிச்சயம் தான்…” எனச் சொல்லி முடிப்பதற்குள், ஸ்பூன் அவன் மீது விழுந்தது.
“இப்போது தான் ஸார்… நம்ம செட்டுக்கு அடிக்கடி வந்த காரணம் தெரிகிறது….” என அனு கலாய்க்க, வசந்த் ஹைஃபை செய்தான்.
“உன்னை வொர்க்சாப்பில் சேர்த்த நண்பன் இவர்தானா?” என அர்ஜுன் அடுத்த பாலைப் போட்டான்.
இனியா அசடு வழிந்தபடி, “நான் என் ஓபாமா சபதத்தை விலாவாரியாக விளக்கினேன். நான் ஒன்றும் அறுபதாம் கல்யாணத்திற்கு லவ் பண்ணவில்லை. ஒழுங்காக வொர்க்சாப்பிற்குப் போ என அனுப்பிவிட்டார்….” என்றாள் பாவமாக.
“ஸாரையும் நீ விட வில்லையா…?” என மூவரும் விழுந்து விழுந்து சிரித்தனர்.
பின் மாற்றி மாற்றி இனியாவை ஓட்டினாலும், தங்கள் தோழியின் நல்வாழ்வை நினைத்து மிகவும் சந்தோஷப்பட்டார்கள்.
“சின்ன வேண்டுகோள், அறிவிப்பு வரும் வரை வெளியே தெரிய வேண்டாம். வதந்திகளைத் தவிர்ப்பதற்காகத் தான்…” எனத் தயங்கியபடி சொல்ல,
வழக்கம் போல், “தல பேச்சுக்கு மறு பேச்சு ஏது?” என அர்ஜுன் முடித்தான்.
இனியாவின் நிலைமை அவர்களுக்கு நன்றாகப் புரிய, சின்ன வருத்தம் கூட இல்லாமல் ஒத்துக் கொண்டனர்.
இப்படியாகப் பேசிக்கொண்டே பார்க்கிங் வர, “அர்ஜுன்…” என அனு கத்த,
“ என்னாச்சு?ஏதும் அடிபட்டு விட்டதா?” என அர்ஜுன் பதற,
“நொன்னாச்சு…. பாரு, தல எப்படிக் கவனிக்கிறார்? நீயும் இருக்கிறாயே….” எனக் கோபப்பட,
ஆர்ஜுன் தலையும் , வாலும் புரியாமல் நின்றான்.
“என்ன நடந்தது அனு? உனக்காக நான் கேட்கிறேன்…” என களத்தில் குதித்தான் வசந்த்.
ரோஜா இறந்த சமயம்… அம்மணி, இரண்டு நாட்களுக்குப் போன் எடுக்கவில்லை…. ஞாபகமிருக்கிறதா?”
“ஆம்…” என்றான் வசந்த்.
“தல யால் தொடர்பு கொள்ள முடியவில்லை என நினைக்கிறேன், அதனால் காலையில் ஒரு முறை போன் செய்து, எல்லோரையும் விசாரித்து, இனியாவை வீட்டில் பார்க்கப் போகவில்லையா?” என நம்ம ஆளைத் தூண்ட,
“சும்மாவேதல சொன்ன நோ அப்பீல்…. என்னைக் கிளம்பச் சொல்லிப் பாடாய்ப்படுத்தி விட்டான். நான் எப்படியோ சமாளிக்க, மாலை மறுபடியும் போன், எப்படி? எப்படி? தெரியாமல் கை பட்டு விட்டதாம்..….” எனச் சொல்லி மீண்டும் விசாரித்துள்ளார்.
“தல கேட்டார் தெரியுமா? எனக்குத் தர்ம சங்கடமாகி ஆகிவிட்டது. உன்னால் தான் போகவில்லை என என்னோடு ஒரே சண்டை. இப்பத்தானே பூனைக்குட்டி வெளியே வந்திருக்கிறது, எல்லாம் லவ்ஸ் தான் காரணம்…” என்று தன் கண்டுபிடிப்பை அறிவித்தாள்.
இனியா முகம் சிவக்க, அர்ஜுன் விழி பிதுங்கி நின்றான்.
“மொத்தத்தில் காதலில் தலயை ஃபாலோ பண்ணு, உருப்படுவாய்…” என வசந்த் தீர்வு வழங்கினான்.
