என் இதயமே நீ தானே 21

ShanviSaran

Well-Known Member
#1
ஏதேதோ சிந்தனையில் காரில் வேகமாக சென்றுக் கொண்டு இருந்த கார்த்தியின் மொபைல் அடிக்கவும், காரின் வேகத்தைக் குறைத்து தீபக் என்று தெரிந்ததும் எடுத்துப் பேசினான்.

"சொல்லு மாப்ள "

"உன் பாச மலர்கள்கிட்ட மாட்டி விட்டுட்டு எங்கடா போன , ரெண்டும் என்னை ஒரு வழிப் பன்னிருச்சு"

"நான் நம்ம ஆபிஸ்குத்தான் போயிட்டு இருக்கேன் , வா , வேலை நிறைய இருக்கு , எதுனாலும் அங்க வந்து பேசிக்கலாம்" என்றவன் போனை கட் செய்து விட்டான்.

"இவன் வேற பட் பட் னு போனை வச்சிருவான்" என்றவன் , அவர்கள் மூவரிடமும் திரும்பி" பார்பி டால், ஆல் தி பெஸ்ட் மா, நானும் கிளம்புறேன் " என்றவன் பார்வதியிடம் திரும்பி" மிஸ் பார்வதி , உங்களுக்கு ரெண்டு நாள் கழிச்சி தானே காலேஜ், என் தங்கச்சியப் பார்த்துக்கோங்க , தப்பு தப்பா ஐடியா கொடுக்கிறத விட்டுறங்க , நான் வாறேன்"

கோபமாக முறைத்தவள்" என் பிரண்டப் பார்த்துக்க எனக்குத் தெரியும். நீங்க என்னைய பார்வதினே கூப்பிடலாம் , மிஸ் ,கிஸ்லாம் , வேண்டாம்." என்றவள் " வாங்கப்பா போலாம் உங்க கிளாஸ் வரை விட்டுட்டு நான் கிளம்பறேன்" என்றவள் திரும்பி திவ்யா கைப் பிடித்து நடக்க ஆரம்பித்தாள்.

"மிஸ் ஒகே சொல்லல , கிஸ் எப்ப தர்றேன்னு சொன்னேன் "

இது சரியாக செளமியின் காதில் விழ ,அவள் மட்டும் திரும்பி வந்து, "நெருப்பு பூச்சி , கிஸ் தர்றேன்னு வேற சொல்லுவியா" என்றவள் , நாக்கை துருத்தி கை முஷ்டி மடக்கி அவனைக் குத்துவது போல் செய்து விட்டு அவர்களைப் பின் தொடர்ந்து சென்று விட்டாள்.

அவள் அப்படி செய்யவும் இயல்பாய் தலையை பின்னால் சாய்த்தவன்.

" அடடா சேமியா …. பொறாமை வந்துருச்சா உனக்கு , (வாய் விட்டு சிரித்தவன் ) அப்போ என் மேல உனக்கு 'அது' வந்துருச்சு, இரு இரு , இனி 'பாரு பாரு' னு நான் கூப்பிடுறதுல நீ என்னைப் பார்க்கத்தான் போற " என்று விசிலடித்துக் கொண்டே சென்று விட்டான்.

அங்கே அலுவலகம் வந்த தீபக்கிடம் " தீபக் , இந்தா டா இதையெல்லாம் அப்ரூவல் க்கு சரியானு பாரு, பாஸ்ட்பாஸ்ட் எனக்கு எவ்வளவு சீக்கிரம் வேலை முடிக்கனுமோ அவ்வளவு சீக்கிரம் நல்லது."

"டேய் பொறு ,பொறு..என்னடா , இந்த கம்பெனி ஆரம்பிச்சு தான் நமக்கு பேர் வரனும், பணம் வரனும் இல்லையே , அப்புறம் ஏன்டா அவசரம்"

"தீபக் இப்பவும் நான் சொல்றேன் , என் வேகத்துக்கு ஈடு கொடுக்க முடிஞ்சா இரு, இல்லையா நான் வேற பார்ட்னர் தேடிக்கிறேன்"

"ஆ…,ன்னா, ஊ…ன்னா , என்னைய கழட்டி விடுதிலயே இருக்க மச்சான் , சரிடா நீ சொன்னது எல்லாம் சீக்கிரம் பன்னிரலாம்"

"சீக்கிரம்லாம் இல்ல, எண்னி மூனே மாசம் நாம நம்ம பர்ஸ்ட் ப்ராபிட் எடுக்குறோம்"

"என்னது மூனே மாசமா.…. சரி சரி லாபம் எடுக்கிறோம்" என்ற தீபக் | " பயபுள்ள கொஞ்ச நாள் ஜாலியா சுத்தவிடு ரானா "புலம்பிக் கொண்டே வேலை செய்ய ஆரம்பித்தான்.

அதன் பிறகு கார்த்தி நிற்கக் கூட நேரமின்றி வேலையில் மூழ்கிப் போனான். சாந்திக் கூட, ஏன் இப்படி, இருப்பதைப் பார்க்க வேண்டி தானே என்றவருக்கு புன்னகை மட்டுமே பதிலாக கிடைத்தது,

இடையில் தீபக் மூலமாக திவ்யாவிற்கு வங்கி கணக்கு ஆரம்பிக்கப்பட்டது. அதில் பாட்டி கவனிக்க வந்ததற்காக அளிக்கப்பட்ட சம்பளப் பணம் என்று ஒரு பெரும் தொகை அவள் கணக்கில் போடப்பட்டது.

மேலும் அறக்கட்டளை மாதம் தோறும் தனக்கு அளிக்கும் பொருள்களை இருவரும் பங்கிட்டுக் கொள்ளலாம் என்று பார்வதியும் திவ்யாவிற்கு தேவையான சிலப் பொருட்களைத் தருவாள். அதில் சோப்பு ,பேஸ்ட் , எண்ணெய் , நாப்கின் போன்றவையும் அடங்கும். ஏற்கனவே பள்ளி விடுதியில் இப்படி பொருட்களை இருவரும் பகிர்ந்து கொண்டதால் அவளுக்கு அது பெரிதாக தெரியவில்லை.

எப்பொழுதும் படிப்பு படிப்பு , தான் ஒரு சிறந்த மருத்துவராக வரவேண்டும். அது மட்டுமே அவள் எண்ணம். இடையில் ஓரிரு முறை சாந்தி வந்துப் பார்த்து விட்டு சென்றார். கார்த்தி தனக்கு ஒரு நல்ல உள்ளம் படைத்த உறவினன் , அதனால் அவனை பொத்தாம் பொதுவாக சாந்தியிடம் கேட்பாள்.

அவரும் சாதரணமாக கார்த்தி அவன் வேலையில் பிஸியாக இருப்பதாக தெரிவிப்பார். அத்தான் பிஸியாக இருக்கிறார் , அவ்வளவுதான் கார்த்தியைப் பற்றிய அவளது பேச்சுக்கள்.

தினமும் கல்லூரி முடிந்ததும் செளமியாவோடு வாசல் வரை வருபவள் அவள் காரில் ஏறியதும், அந்த வளாகத்திற்குள் இருக்கும் ஒரு பெரிய மரத்தடியில் போடப்பட்டுள்ள கல் மேடையில் அமர்ந்து , பார்வதிக்காக காத்திருப்பாள் இருவரும் சிறிது நேரம் பேசிவிட்டு அவரவர் விடுதிக்குச் சென்று விடுவார்கள்.

இதோ இன்றோடு கல்லூரியில் சேர்ந்து மூன்று மாதம் முடிந்து விட்டது. திவ்யாவின் ஒவ்வொரு நாளும் இப்படித்தான் கழிந்தது. இடையில் இரு முறை விடுமுறை தினம் என்று அவளும் பார்வதியும் கார்த்தியின் வீட்டிற்கு காலையில் சென்று இரவில் திரும்பி விடுவர். கார்த்தி அவள் வரும் நேரம் வீட்டில் இருக்கவில்லை. ஏதோ வேலை என்று காலையிலயே சென்று விடுவான்.

ஆம் கார்த்தியுடன் பேசியும் பார்த்தும் இன்றுடன் மூன்று மாதம் ஆகிவிட்டது. அன்றுக்காலை விடுதியிலிருந்து கல்லூரி வகுப்பறை நோக்கிச் சென்றுக் கொண்டு இருந்தவளை செளமி வேகமாக வந்து கைப்பிடித்து நிறுத்தி" திவி எவ்வளவு நேரமா உன்னைக் கூப்பிட்டுட்டு இருக்கேன், காது கேட்கலையாடி"

"இல்ல செளமி கேட்கல , ஏன் இப்படி மூச்சு வாங்குது என்னன்னு சொல்லு"

" உன் லேண்ட் மாத்தற விஷயமா உன்கிட்ட பேசணுமாம் , அண்ணா வெயிட் பன்றான், போய்ப் பேசிட்டு வா , என்னால அவ்வளவு தூரம் திரும்பவெல்லாம் நடக்க முடியாது "

" என்ன அத்தான் வந்துருக்காங்களா, சரி நான் போய் பேசிட்டு வாறேன், நீ கிளாஸ் போ " என்றவள் வேகமாக அவன் கார் எங்கே என்று தேடிச் சென்றாள்.

அவள் வெளியே வரவும் கார்த்தி காரை விட்டு இறங்கி நின்றான்.நெடுநாள் கழித்து அவளைப் பார்த்த பரவசத்தில் அவன் இதயம் வேகமாக துடிக்க ஆரம்பித்தது. அவள் அருகில் வர வர தன்னைக் கட்டுப்படுத்திக் கொண்டவன் அருகில் வந்தவுடன் " எப்படி இருக்க ஏஞ்சல் , நல்லா படிக்கிறியாம் , செளமி சொன்னா "

"நல்லா இருக்கேன் அத்தான், உங்களுக்கு ரொம்ப வேலையோ , உங்கள பார்க்கவே முடியல "

"நீ என்னை தேடுனியா"

"ம்... தேடு … ( கீழே குனிந்து கொண்டே) சாரி அத்தான் தேடல "

கேட்ட கார்த்திக்கு சிரிப்பு வந்து விட்டது.' பொய் கூட சொல்ல மாட்டா என்னைத் தேடுனேன்னு , அப்படி சொல்லிட்டா நீ என் ஏஞ்சலே இல்ல' என்று நினைத்துத்துக் கொண்டவன் ,

"அதான் தெரியுமே, நீ தேடுனது தெரிஞ்சா அடுத்த நிமிஷம் உன் முன்னால வந்துருப்பேன், நீ படிப்பில மூழ்கிட்டதா செளமி சொன்னா ,குட் அப்படி தான் இருக்கனும், உன் லேண்ட் வாங்க பணம் வேணும் இல்லையா , அப்பா சம்பாதிச்சதுல நான் எப்படி வாங்குறது, அதான் நான் என் சம்பாத்தியத்துல வாங்கனும்னு தனி பிஸ்னெஸ் ஆரம்பிச்சுட்டேன்.

இப்போ ஓகே ஆகிருச்சு , ரெஜிஸ்ட்ரேஷன்க்கு எல்லா ஏற்பாடும் பன்னியாச்சு , ஒரு ஒன் அவர் உனக்கு பெர்மிஷன் வாங் திருக்கேன் உனக்கு , என் கூட கொஞ்சம் வா. நாளைக்கு லீவும் சொல்லிட்டேன்" என்றான்.

"நிஜமாவா அத்தான், இப்போதான் ரொம்ப சந்தோஷமா இருக்கு ,நான் போய் செளமிட்ட சொல்லிட்டு வாறேன்."

"அவகிட்ட சொல்லியாச்சு , நீ வா" என்றவன், காரில் ஏறி அமர்ந்து வண்டியை கிளப்பினான். அதற்கு மேல் ஒன்றும் சொல்லாமல் ஏறிக் கொண்டாள். அவன் நேராக ஒரு பெரிய ஷாப்பிங் மாலில் கொண்டு போய் நிறுத்தி , அவளை ஒரு துணிக்கடைக்கு அழைத்துச் சென்றான்.

"அத்தான் எதுக்கு இங்க வந்து இருக்கோம் , எனக்கு எதுவும் வேண்டாம்."

" என்ன வேண்டாம் , அம்மா என்ன புதுசு வாங்கித் தந்தாலும் வேண்டாம் வேண்டாம்னு சொல்றியாம் செளமி போட்டு கழிச்சத தாங்கனு வாங்கிக்கிறியாம், இனி அப்படி எல்லாம் இருக்காத " என்றவன் அவளிடம் கேட்காமலயே கல்லூரிக்கு தினமும் அணிந்து கொள்ள நிறைய ஆடைகளை வாங்கினான்.

பின் உள்ளாடைகள் பிரிவைக் காண்பித்தவன் "அங்க நானும் வந்து செலக்ட் பன்னனும்னா சொல்லு வாறேன் " என்று புன்னகையை அடக்கிக் கொண்டு கேட்டான்.

"இல்ல இல்ல ….. நானே போறேன்" என்றவள், வேகமாகச் சென்றாள்.

"பில் கம்மியா வந்தா நான் அங்க வந்துருவேன் " என்று கார்த்தி சொல்லவும் , அவன் வந்து விடுவானோ என்ற பயத்தில் நிறையவே தேவையானவற்றை வாங்கிக் கொண்டாள்.

ஒரு கல்லூரிப் பெண் என்ன என்ன உபயோகிப்பாள் என்று தன் தங்கையைக் கொண்டு யோசித்தவன் பார்த்து பார்த்து வாங்கினான். செருப்பு , கைப்பை உட்பட .எல்லாவற்றையும் வாங்கித் தந்தவன் , அந்த பில்களை எல்லாம் அவளிடம் கொடுத்து விட்டு ,

"லேடிஸ் க்கு இன்னும் என்னத் தேவைப்படும் தெரியல , அதையெல்லாம் யோசிச்சு அப்புறம் வாங்கிக்கோ , இந்த பில் எல்லாம் நீயே வச்சிக்கோ , இன்னைக்கு ஈவ்னிங் காலேஜ் முடிஞ்சதும் கணக்குப் பார்த்துவை, நாளைக்கு உன் பணம் நான் தரும் போது இதையெல்லாம் கழிச்சிட்டுத் தாறேன், ஓகேயா , இப்போ உன் மைன்ட் ஃப்ரீ ஆகிருச்சா "

அதுவரை ஏதோ சங்கடமாக உணர்ந்துக் கொண்டு இருந்தவள் முகம் தாமரைப் பூவாய் மலர்ந்து விரிந்ததைக் கவனித்தவன் ,

"அட அட அட இப்படி ஒரு காதலி எவனுக்கும் கிடைக்க மாட்டான் , கார்த்திக்கேயா நீ லக்கினு சொல்லிக்கனுமா , அன் லக்கினு சொல்லிக்கனுமா தெரியலயே "

"அத்தான் ரொம்ப தேங்ஸ் அத்தான், இப்போ ஃப்ரீ ஹவர்லயே எவ்வளவுனு பார்த்துடுவேன்" என்றாள்.
 

ShanviSaran

Well-Known Member
#2
"ஓ குட் குட் நீதான் நல்லாப் படிக்கிறவளாச்சே, ஏன் காலேஜ் போய் பார்க்கனும், இப்ப கார்லயே கணக்குப் பண்ணிடு " என்று பல்லைக் கடித்துக் கொண்டு கூறினான்.

"அட ஆமாம்ல "என்று அதை எடுக்கப் போனவளை, கைப் பிடித்து தடுத்தவன் , "ஏஞ்சல் ப்ளீஸ் என்னை டென்ஷன் ஆக்காத, அதை அப்புறம் பார்த்துக்கலாம், இன்னைக்கு வாங்குன ட்ரஸ்ல உனக்கு பிடிச்சத நாளைக்குப் போட்டு தயாரா இருந்துக்கோ , பத்து மணிக்கு ரெஜிஸ்டர் ஆபிஸ்ல இருக்கனும் , தீபக் உன்னையக் கூப்பிட வருவான் சரியா" என்றவன் அவளைக் கல்லூரி வாசலில் இறக்கி விட்டுச் சென்றான்.

அவளை இறக்கிவிட்டு அலுவலகம் வந்தவன் கண்களில் தீபக் யாரிடமோ போனில் பேசிக் கொண்டு இருக்கும் காட்சி கண்களில் பட்டது.

போன் பேசிவிட்டு வந்தவன் , "மச்சான் ,விக்ரம் பேசுனான் டா, அவன ஏன் வரச் சொன்ன , ரொம்ப அவசரம் நாளைக்கு ஏதோ ரெஜிஸ்டர் பண்ணனும்னு சொல்லியிருக்க , அவன் எனக்கு போன் போட்டு என்னடா அப்படி பெரிய பிராஜக்ட் ரிஜிஸ்டர் பண்ணப் போறீங்கனு கேட்க்கிறான்"

" அவன் கிளம்பிட்டானா"

"ம மதுரை எர்போர்ட் ல வச்சு தான் பேசினான். முதல்ல என்னனு சொல்லு. எனக்குத் தெரியாம கொஞ்ச நாளா ஏதோ வேலைப் பன்றேனு தெரியுது. ஆனா அது என்னனு தான் தெரியல "

"சொன்னாதான் வந்துசைன் 'பன்னுவியா, இல்லனா பன்ன மாட்டியோ "

"டேய் நான் எப்படா அப்படி சொன்னேன் , என்னனு கேட்க்கிறது தப்பாடா மச்சான் "

"நாளைக்கு திவ்யாவோட நிலத்தை என் பேருக்கு மாற்றப் போறேன் , அதுகுத்தான் "

கார்த்தி சொன்னதும் தீபக் வாய் விட்டு சிரிக்க ஆரம்பித்து விட்டான். கார்த்தி எதுவும் பேசவில்லை , அந்த சுழல் நாற்காலியில் அமர்ந்து கைகளை கட்டி தீபக் கையேப் பார்த்துக் கொண்டு இருந்தான்.

"ஹ….ஹ... ஹ.. ஏன்டா நம்ம எல்லா கம்பெனி லாபமும் உனக்குத் தெரியும், நம்ம கார்களோட விலையே சில கோடிகள் ல போகும். நீ என்னடானா அந்த, அந்த, லேண்ட ரெஜிஸ்டர் பன்ன விக்ரம வேற அங்க இருந்து வர வைக்கிற , பாவம்டா அவன் , நம்மளப் போல கோடி கோடியா பிஸ்னஸ் பன்றவன் தான் அவனும் , உனக்காக ஓடி வர்றான்டா. அவனும் நொந்துக்கப் போறான்."

"சோ இந்த சின்ன வேலைக்கு நீயும் வரமாட்ட, அவனையும் வரவிட மாட்ட அப்படி தானே"

"சிரிப்பு வருது சிரிக்கக் கூடாதா , இப்ப என்னாச்சு நானும் விக்ரமும் உனக்காக என்ன வேணும்னாலும் செய்யப் போறோம். அப்போ திருநெல்வேலிப் போற மா"

"இல்ல இங்கதான் "

"என்னடா உளர்ற, சென்னையில பார்பிக்கு பிரபர்ட்டி இருக்கா"

"நீ நாளைக்கு நான் என்ன சொல்றனோ அதை செய்தால் போதும் , இன்னும் என்னைக் கேள்வி கேட்டா , நான் வேற ஆளப் பார்த்துகிறேன்."

"போடா ஒரு மனுசன் கேள்விக் கேட்டா தப்பா, நான் விக்ரம் ரிசீவ் பன்னப் போறேன். நீ என்னவோ செய், கூட இருந்து தொலைக்கிறேன். " என்றவன் கிளம்பி விட்டான்.

கார்த்திக்குத்தான் ஒன்றும் விளங்கவில்லை தான் செய்வது சரியா தவறா …. யோசனையில் தலை வலிப்பது போல் இருக்கவும் வீட்டுக்குச் செல்ல முடிவு செய்தான்.

வீட்டிற்கு வந்தவன் ஹாலில் அம்மாவும் பாட்டியும் அமர்ந்துப் பேசிக் கொண்டு இருப்பதைக் கண்டு , சாந்தியிடம் சென்றவன் , அவர் மடியில் தலை வைத்துக் கொண்டு அவர்தலைப் பின்னலை
கையில் எடுத்து விளையாடிக் கொண்டு இருந்தான்.

"என்னப்பா சீக்கிரம் வந்துட்ட , இத்தனை நாளா பிஸ்னஸ் பிஸ்னஸ் னு அம்மாவ கண்டுக்கவே இல்ல. "

"மா… நான் உங்க கிட்ட ஒன்னு சொல்லனும் , அழக்கூடாது , கோவிச்சுக்கக் கூடாது சரியா"

"என்னப்பா இப்படி சொல்ற, சொல்லு என்ன விஷயம் "

"மா நான் அடுத்த மாசம் ஆஸ்திரேலியா கிளம்புறேன். அங்கயும் ஒரு பெரிய கம்பெனி யோட பார்ட்னர்ஷிப் போட்டு இருக்கேன்"

அவன் கையிலிருந்த பின்னலைப் பறித்தவர் "கார்த்தி விடு இதை, இன்னும் குழந்தைப் போல அம்மா ஜடைய பிடிச்சிக்கிட்டு விளையாடிட்டு இருக்க ….. "

பாட்டி அங்கு அமர்ந்து இருந்தவர் "எம் பேரன திட்டாத சாந்தி , அவன் பொண்டாட்டி வந்தா அவ ஜடைய பிடிச்சிக்கப் போறான்.வேலுவ விட்டு மருமகன் கிட்ட பேச சொல்றேன்.என் பேத்திய கட்டி வச்சிருவோம்."

சட்டென்று சாந்தியின் மடியில் இருந்து எழுந்தவன்" பாட்டி சும்மா இருங்க , நான் இப்பதான் பிஸ்னஸ் ஸ்டார்ட் பன்னிருக்கேன், அப்பாவ யார்கிட்டயும் பேச செல்லாதிங்க , செளமி படிச்சு முடிச்சு அவ கல்யாணம் பன்ன பிறகு , உங்க மருமகள வீட்டுக்கு கூட்டிட்டு வருவோம்.அதுவரைக்கும் யாரும் என் கல்யாணம் பத்தி பேசாதிங்க " என்று கோபமாக சொன்னவனைப் பார்த்து சாந்தி,

"கார்த்தி பாட்டி என்ன சொல்லிட்டாங்கனு இவ்வளவு டென்ஷன் ஆகுற, சரி அதை விடு , ஆஸ்திரேலியா போறது நல்ல விஷயம் தானே , இதுல கோபப்பட , அழ என்ன இருக்கு"

"மா நான் போய்ட்டு வர மூனு வருஷமாகும். இடையிலஅப்ப அப்ப வந்துட்டு போவேன் , அதான் சொன்னேன் "

கேட்ட இருவருமே அதிர்ச்சியடைந்தனர். "என்னப்பா இப்படி சொல்லிட்ட "

"மா ப்ளீஸ்" என்றவன் அதற்கு மேல் அங்கு அமராமல் தனது அறைக்குச் சென்று விட்டான்.

அதிகாலையே எழுந்தவன் குளித்து முடித்து தயாராகி கீழே வந்தான். தோட்டத்தில் அமர்ந்திருந்த அப்பா அம்மா பாட்டியிடம் சென்றவன்.

முக்கியமான பிஸ்னஸ்டீல் இன்று கையெழுத்தாக இருப்பதாகக் கூறியவன் எல்லோரிடம் காலில் விழுந்து ஆசிர்வாதம் வாங்கினான்.

வேலு இந்த மூன்று மாதங்களில் அவனது தொழில் திறமையைக் கண்டு இருந்ததால் அவனிடம் எதுவும் கேட்டுக் கொள்ளவில்லை.

சாந்தியின் கையைப் பிடித்துக் கொண்டவன்" மா இந்த கான்ட்ராக்ட் நல்லபடியா சைன் ஆகும்ல."

" என் பையன் நினைச்சது நல்ல லபடியா நடக்கனும்னு அந்த திருச்செந்தூர் முருகன் கிட்ட வேண்டிக்கிறேன். நீ கவலைப்படாம போய்ட்டு வா. எல்லாம் நல்லபடியா நடக்கும் "

"இது போதும்மா எனக்கு "

"கார்த்தி மறந்துட்டேன் , திவ்யா லேண்ட் இன்னைக்கு மாத்தி எழுதனும்னு சொன்னேனே , நீ கூட எல்லாம் தயார்னு சொன்ன , இப்போ நீ வேற வேலையா போறியேப்பா ,டைமுக்கு அங்க போயிருவியா, பாவம்டா சின்னப் பொண்ணு , சீக்கிரமா அவளுக்கு பணத்தைப் போட்டு வைக்கனும். ஒரு ரூபா கூட இனாமா வாங்க மாட்டா.

மினிட்ட சொல்லி இருப்பா போல , அந்த நிலத்துக்கான பணம் எப்ப வருதோ அப்பதான் அந்த நகையை போட்டுக்கு வேன்னு , ரொம்ப ரோஷக் காரிடா அவ "

"அந்த ரோஷக்காரிக்காகத் தான் மா நான் இப்படி வேலையெல்லாம் செய்துட்டு இருக்கேன்" , தலையை உலுக்கிக் கொண்டவன் "தீபக் கிட்ட சொல்லிருக்கேன் மா , அவளை கூட்டிட்டு வந்துருவான். நானும் அங்க வந்துருவேன்"

"சரிப்பா, அந்த பொண்ணு சந்தோஷமா இருந்தா சரிதான் ".

அங்கு கல்லூரி விடுதியில் , அவன் அன்று பரிசாக அளித்த ஆடையை அணிந்து கொண்டவள் தீபக் வந்ததும் அவனோடு சென்று இறங்கினாள்.

அன்று முகூர்த்த நாள் என்பதால் நிறையக் கூட்டம் , நிலம் , வீடு வாங்க விற்க , இரண்டு மூன்று ஜோடிகள் பட்டுப்புடவை , வேட்டி அணிந்து என்று நின்றார்கள். அவர்களை எல்லாம் வேடிக்கைப் பார்த்துக் கொண்டே தீபக் கோடு நடந்தாள்.

அங்கு விக்ரமும் கார்த்தியோடு நின்றுக் கொண்டு இருந்தான்.

தான் வாங்கிக் கொடுத்த ஆடையில் வந்தவளைப் பார்த்து புன்னகைத்தவன் அவர்கள் அருகில் வந்து , " இதில் மார்க் பன்னிருக்க இடத்திலெல்லாம் கையெழுத்துப் போடு என்றான் " , அவள் போட்டதும் அதை வாங்கிக் கொண்டு தீப்க்கிடம் "நான் சொல்லும் போது திவ்யாவ கூட்டிட்டு வா" என்றவன் , திரும்ப கூட்டத்திற்குள் புகுந்து விட்டான்.

திடீரென்று கூட்டத்திற்கு இடையே திவ்யா ஸ்ரீ , கார்த்திகேயன் என்று அழைக்கவும் , தீபக் அவளை அழைத்துக் கொண்டு சென்று அங்கு நிற்கவும் , திவ்யாவை கையெழுத்திடச் சொல்லி , தானும் கையெழுத்திட்டவன், தீபக் ,விக்ரமிடம் கண்ணைக் காட்டி விட்டு ,அவள் கையைப் பிடித்து கூட்டத்திற்கு வெளியே கூட்டிக் கொண்டு வந்தான்.

அவனுடனயே வெளியே வந்தவள் , "அத்தான் தேங்க்ஸ் " என்றாள்.

அவனுக்கு என்ன சொல்வதென்றே தெரியவில்லை.அவன் முகம் வியர்த்து வடிவதைக் கண்டவள் " என்ன அத்தான் உங்களுக்கு இப்படி வேர்க்குது, வாங்க கார்ல ஏசி போட்டுட்டு , கொஞ்சம் தண்ணிக் குடிங்க "

"ஏஞ்சல் , நீ கார்க்கிட்டப் போ , நான் உள்ள எல்லாம் முடிஞ்சிருச்சாப் பார்த்துட்டு வாறேன்"

இவன் அவளை அனுப்பி விட்டுத் திரும்பவும் தீபக்கும் , விக்ரமும் இவனை முறைத்துக் கொண்டு நின்றனர்.

தீபக் அருகில் வந்தவன்" கார்த்தி நீ என்ன காரியம் பன்னிருக்க தெரியுமாடா"

"தீபக், பொறுமையா இரு கார்த்தி இப்படி செய்வான்னு நானும் எதிர்பார்க்கல , அந்தப் பொண்ண சாரி , தங்கச்சிய கொண்டு விட்டுட்டு வா , நாங்க உன்கிட்ட கொஞ்சம் பேசனும்''

"தீபக் இங்க எல்லா வேலையும் முடிஞ்சதும் ,விக்ரம் தங்கியிருக்கிற அவன் பார்ம் ஹவுஸ் போ, நான் அங்க வந்துருவேன், நம்ம மூனு பேரைத் தவிர இந்த விஷயம் வேற எங்கயும் போகாதுனு நம்பி போறேன்" என்றவன் திரும்பி நடந்து சென்று விட்டான்.

காரின் அருகில் நின்றுக் கொண்டு இருந்தவளை , திவ்யா வா கிளம்பலாம் என்றவன் , நேராக பெசன்ட் நகர் சர்ச்க்கு அழைத்துச் சென்றான்.

மிகவும் மகிழ்ச்சியடைந்தவள், காரை விட்டு இறங்கப் போகயில் "ஏஞ்சல் ஒரு நிமிஷம் , இந்தா இது உன்னோட பேங்க் பாஸ்புக், இது ஏடிம் கார்ட், நேற்று உனக்கு வாங்கிக் கொடுத்த அந்தப் பணத்தை எடுத்துட்டு மீதி உன் அக்கவுன்ட்ல போட்டுட்டேன் .
 

ShanviSaran

Well-Known Member
#3
இனி எந்தவொரு காரணத்துக்கும் உனக்கு பணம் பிரச்சினை ஆகாது." என்றவன் , ஒரு புது நகைப் பெட்டியை எடுத்துக் கொடுத்து, "இது
உன் அம்மா நகைங்கல்ல சிலதை நீ இப்போ தினமும் போட்டுக் கிறதப் போல அம்மா மாத்தி வாங்கி இருக்காங்க , இப்போ இதல்லாம் போட்டுக்குவதானே ஏஞ்சல்". என்று கண்களில் ஏக்கத்தோடுக் கேட்டான்.

கண்களில் ஏக்கத்தையும் இதயம் முழுவதும் காதலையும் சுமந்து கொண்டு கேட்டவனைக் கண்டவள் ,

"நிச்சியம் அத்தான், உள்ள போய் ஜெபம் பன்னிட்டு நான் இதை போட்டுக்குவேன்." என்றவள் இறங்கி நடக்க ஆரம்பித்தாள். அவள் போகும் இடமெல்லாம் பின்தொடர்ந்தவன், அவள் அவன் கொடுத்தவற்றை கடவுளின் பாதங்களில் வைத்து வேண்டிக் கொண்டு இருந்தாள்.

" என்ன வேண்டிக்கிட்ட ஏஞ்சல்"

"நான் நல்லபடியா படிச்சு முடிச்சு , நீங்க தந்த இந்தப் பணத்தில் சொந்தமா ஒரு சின்ன கிளினிக் ஆரம்பிக்கனும்னு வேண்டிக்கிட்டேன்"

"ஓ , நல்லது. சரி இதெல்லாம் போட்டுக்கலாம் தானே. "

சுற்றும் முற்றும் பார்த்தவள் , "இங்க போட வசதியில்லயே , நான் ஹாஸ்டல் போய் போட்டுக்கட்டுமா "

"வா கார்ல உட்கார்ந்து வசதியாப் போட்டுக்கலாம்."

அவள் உள்ளே வந்ததும், வசதியாக அமர்ந்து கம்மல், வளையல் என்றுப் போட்டுக் கொண்டவள் , கழுத்துச் சங்கிலியை கொக்கியைக் கழற்றி அணிய முயன்றாள் , முயன்றாள் தான் முடியவில்லை அவளால் , அவனைப் பார்த்தவள்" அத்தான் இத …." ஏதோ சொல்ல வருவதற்குள் , அவள் கைகளிலிருந்து வாங்கியவன் , அவள் கழுத்தில் அணிவித்து விட்டான்.

ஆம் அவன் அதற்காகத்தானே அந்தச் சங்கிலியின் கொக்கியை நன்கு அழுத்தி வைத்திருந்தான்.

இத்தனை நாட்கள் அவன் அருகாமையில் தெரியாத ஏதோ ஓர் உணர்வு அவளை சங்கடத்தில் ஆழ்த்தியது .அவன் கைகள் கழுத்தில் உரசிக் கொண்டு இருந்ததை கூச்சமாக உணர்ந்தவள் , நெளிய ஆரம்பிக்கவுமே அவன் கைகளை எடுத்து விட்டான்.

ஓர் ஆண் மகன் , அதுவும் தந்தை அல்லாது சகோதரனும் அல்லாது இருப்பவன் தனது கழுத்தில் அணிவிக்கும் சங்கிலியின் மதிப்பு , பாவம் அச்சிறுப்பெண்ணிற்கு தெரியவில்லை. அதன் மதிப்பு தெரிந்தவனோ , அவள் கண்களை நேருக்கு நேர் சந்திக்க இயலாது , பார்வையை சாலையில் கவனம் வைப்பது போல் முகத்தை திருப்பிக் கொண்டான்.

"ரொம்ப அழகா இருக்கு ஏஞ்சல் , எப்பவும் போட்டுக்கோ." என்றவன் ஹோட்டல் சென்று அவளை சாப்பிட வைத்து அழைத்துச் சென்றான்.

அவளைக் கல்லூரி வாசலில் இறக்கி விட்டவன்."ஏஞ்சல் , இந்தா இது என்னோட கிப்ட், முடிஞ்சா நீயும் பரிசாவே திருப்பிக் கொடு , வேண்டாம்னு சொல்லிராத "

" என்ன அத்தான் இது ", என்று சொல்லிக் கொண்டே பிரித்தவள் , அதில் அன்றைய புது மாடல் அலைபேசி இருப்பதைப் பார்த்து , "அத்தான் , எனக்கு போன் தேவையே படாதே' எனக்குப் பேச யார் இருக்கா , செளமியும் , பாருவும் போன் வச்சிருக்காங்க தேவைப்படாது , அப்படித் தேவைப்பட்டால் அவங்க கிட்ட வாங்கிப் பேசிக்குவேனே"

"ஏன் நான் இல்லையா உனக்கு , எப்ப பாரு எனக்கு யாரும் இல்லன்னே சொல்லிட்டு இருக்க. அதுல சிம் வாங்கிப் போட்டு அந்த நம்பர நான் சேவ் பன்னிட்டேன். என் நம்பர் அதுல இருக்கு….. " இவர்கள் பேசிக் கொண்டு இருக்கும் போதே வீட்டிற்குச் செல்ல அருகில் வந்த செளமினி அவள் கையில் இருந்த போனை வாங்கிப் பார்க்க ஆரம்பித்து விட்டாள்.

"அண்ணா சூப்பர் , நானே இவ கிட்ட சொல்லனும்னு நினைச்சிட்டு இருந்தேன்"

"மினி கிளம்பலாம் " என்றவன் அவளைப் பார்க்காது கிளம்பி விட்டான்.

திவ்யா திரும்பி நடக்கவும் அவள் அருகில் வந்த விடுதி அறைத் தோழி ஐஸ்வர்யா , அவளிடம் வந்து "திவியார் டி அது , செம ஹான்ட்சம்மா இருக்கார்"

" செளமினி அண்ணன் ஐஸு , எனக்கு கார்டியன்"

" என்னது செளமி அண்ணனா, நாளைக்கே அவள பிரண்டு பிடிக்கனுமே , அவளுக்கு அண்ணன் ஓகே, உனக்கு கார்டியன்னா உனக்கும் அண்ணன் முறையா..., "

"இல்ல ஐஸு , எனக்கு அவர் தூரத்து சொந்தத்துல அத்தை பையன், அதனால அத்தான் ".

"அத்தானா , உன் அத்தான நான் எப்படி டீ சைட் அடிக்க, இருந்தாலும் நான சைட் அடிப்பேன் , ( கண்ணடித்துக் கூறியவள் ) நீ கண்டுக்காத .." என்று சொல்லிவிட்டு வேறு பேச ஆரம்பித்தாள். திவ்யாவிற்குத் தான் அவள் பேசியது என்னவோ போல் இருந்தது அது ஏன் என்று தான் தெரியவில்லை.

விக்ரமின் பண்ணை வீட்டின் நீச்சல் குளத்தருகே நின்று கொண்டு இருந்தான் தீபக் ,விக்ரமின் பேச்சு எதுவுமே அவன் காதில் விழவில்லை. அந்தளவுக்கு கார்த்தியின் மீது கோபத்தை சுமந்துக் கொண்டு நின்றான்.

கார்த்தியின் கார் சத்தம் கேட்கவும் ,அதிகரித்த கோபத்தில் அவன் வருவதையேப் பார்த்துக் கொண்டு இருந்தவன் , கார்த்தியின் கன்னத்தில் ஓங்கி ஓர் அன்ர விட்டான்.

அவன் அடிப்பான் என்று எதிர்பார்க்காத கார்த்தி அருகில் இருந்த நீச்சல் குளத்தில் விழுந்து விட்டான்.

உள்ளே விழுந்தவன் நீந்தி மேலேறி வந்து அங்கு போடப்பட்டு இருந்த சாய்வு நாற்காலியில் கைகளைக் கொண்டு தலையைத் தாங்கி அமர்ந்து விட்டான்.

"நீ என்ன காரியம் பன்னியிருக்க தெரியுதா டா . சின்னப்புள்ள டா , இப்படி ஏமாத்திட்டியே , உனக்கு அவ மேல ஒரு க்ரஷ் இருக்குனு எனக்கும் தெரிஞ்சது. ஆனா இப்படி ..... உன்னை என் பிரண்ட்னு சொல்ல வே வெட்கமாயிருக்கு."

"தீபக், வெயிட் டா, கார்த்தி இப்படி செய்து இருக்கான்னா அதுக்கு ஒரு காரணமிருக்கும் "

" என்ன பெரிய காரணம், எங்க அத்தை மாமாவ என்னனு நினைச்ச , அந்தஸ்து வேறுபாடு பாக்குறவங்கனோ, இல்ல காதலுக்கு எதிரினோ நெனைச்சிட்டியா,இல்லடா அவங்க அப்படி இல்ல , இவ ஒரு வார்த்தை சொல்லி இருந்தா அவங்களே செய்து வச்சுருப்பாங்க , அந்தப் பொண்ணு இவன் மேல எவ்வளவு நம்பிக்கை வச்சு இருந்தா நீ சொன்ன இடத்தில எல்லாம் கையெழுத்துப் போட்டு இருப்பா."

அவன் அருகில் சென்று அவன் சட்டையைப் பிடித்து , "என்னடா நினைச்சுக்கிட்ட ,அவளுக்கு கேட்க யாரும் இல்லனா , நான் இருக்கேன் டா அண்ணனா "

தீபக் அப்படிச் சொன்னதும் அதுவரை அவன் சொல்வதை அமைதியாகக் கேட்டுக் கொண்டு இருந்தவன் , அவன் கைகளை வேகமாகத் தட்டி விட்டு "இது தான் டா,இந்த யாருமில்ல யாருமில்லங்கிற வார்த்தையக் கேட்க முடியாமதான் நான் இப்படிப் பன்னேன்."

நின்று கொண்டு இருந்த தீபக் கின் சட்டையைப் பிடித்தவன்"நான் இருக்கேன் டா , புருஷன் நான் இருக்கேன் டா அவளுக்கு , அவ என் ஏஞ்சல் டா"

தீபக் ,விக்ரம் ஒருசேர "கார்த்தி " என்றனர்.

"ஆமாம் டா , நீங்க நம்புறிங்களா இல்லையா தெரியாது, லூசுனு கூட சொல்லிக்கோங்க , எனக்குனு வர்றவ இப்படிதான் எங்கம்மா போல நீளக் கூந்தல் வச்சு வரனும்னு நினைச்சுப்பேன். நீங்க கூட கிண்டல் பண்ணுவீங்களே 'ஏஞ்சல், ஏஞ்சல்'னு பிதற்றுறேன்னு. அந்த ஏஞ்சல் , என் தேவதை திவ்யா தான்னு , அவளப் பார்த்த நொடில நான் தெரிஞ்சிக்கிட்டேன்டா.

அவளப் பார்த்த நாள் ல இருந்து இங்க(இதயத்தை தொட்டுக் காண்பித்தவன் ) வச்சிருக்கேன் தீபக் .ஆமாடா, 'என் இதயமே அவதான்',

ஆனா அவ என்னை யாரோ மாதிரி பார்க்கிறாடா, நான் அவளுக்காகப் பார்த்து பார்த்து செய்றேன், அவ அது உரிமை இல்லாதது அப்படி இப்படினு ஏத்துக்க மாட்டிக்கிறா, அதான் நான் அந்த உரிமையை தானா எடுத்துக்கிட்டேன்.

இனி என் மனைவிய எவனும் அனாதை, யாருமில்லாதவனு பேச விட்டுருவேன்"

விக்ரம் அவன் அருகில் வந்து தண்ணீர் பாட்டிலைக் கொடுத்து " ரிலாக்ஸ் மச்சான் , நீ சொல்றது சரிதான் , சிஸ்டர் க்கு தெரியாம , ஏன் உன் அப்பா அம்மாவுக்கு கூட தெரியாம கல்யாணம் பன்ற அவசியம் என்ன , எல்லார்கிட்டயும் சொல்லிட்டு செய்து இருக்கலாமே ,இது ஏமாற்றுனது போல ஆகுதே டா"

தீபக் கைப் பார்த்தவன்" உன் தங்கச்சி கல்யாணம் சொன்னதும் உடனே ஒகேனு சொல்றவளா டா,. அவ எண்ணமெல்லாம் படிப்பு படிப்பு படிப்பு தான். அவ ஊர்ல உள்ளவங்க எல்லாம் கத்தி நின்னு, எங்க இவளப் பார்த்துக்கிற பொறுப்பதட்டிக் கழிச்சி, பதினெட்டு வயசு கூட ஆகாத சினைப் பெண்ண கல்யாணம் பன்னி வச்சிரலாம்னு முடிவு பன்னப்ப , எங்கம்மா கிட்ட வந்து கையேந்தி நின்னாடா" என்னை படிக்க வைங்கனு , அவள் ஆசை நிறைவேறனும், அதுக்கு என் காதல் குறுக்கவரக் கூடாது.

அவளுக்கு எல்லாமுமா நான் இருக்கனும் தீபக் , அதுக்கு ஒரே வழி அவள கல்யாணம் செய்துக்கிறதுதான். அதான்டா வேற சிட்டில இருக்கிற நிலத்தை இங்க பதிவு பன்ன மாட்டாங்கனு கூட தெரியாத என் ஏஞ்சல, அவளுக்கே தெரியாம கல்யாணம் பன்னிக்கிட்டேன்.

நானும் ஒரு தங்கச்சியோட பிறந்தவன் தான். எனக்கும் இது தப்புனு நல்லாத் தெரியுது , அதான்டா ஒரு முடிவு பன்னி இருக்கேன்''.

தீபக்கும் விக்ரமும் ஒரு வரை ஒருவர் பார்த்துக் கொண்டு "என்ன முடிவு கார்த்தி "

"நான் , ஆஸ்திரேலியாலயும் நம்ம கம்பெனி ஆரம்பிக்கிற விஷயமா பேசினேன்ல , அங்க போய் இருக்கப் போறேன் .மூனு வருஷம் கழிச்சி தான் வரப்போறேன்.அதுவரை நான் திவ்யாவப் பார்க்கவோ பேசவோப் போறது இல்ல. என்னைய அப்பாவ அம்மாவா , அவ பாட்டியா பார்க்குறேன்னு சொல்றாடா , விட்டா என்னைய 'நீங்க கடவுள்'னு என்னைய சொல்லி சாமி கும்பிட ஆரம்பிச்சிடுவா"

தீபக் அருகில் வந்தவன்" உன் தங்கச்சி என்னைய காதலனா எப்ப பார்க்குறாளோ , நினைக்கிறாளோ , அப்ப அவகிட்ட நான் புருஷன் கிற உரிமையை காட்டிக்குவேன்.அதுவரை நீ தான் உன் தங்கச்சியைப் பார்த்துக்கனும் மச்சான்''

"அவளுக்காகத்தான் நான் தனியா பிஸ்னஸ் ஸ்டார்ட் பன்னேன். என் மனைவிக்கு , அதுவும் சுயமரியாதையோட வாழ விரும்புற என் ஏஞ்சல் விரும்புறது எல்லாம் நான் செய்துக்கொடுக்கனும். அதுக்குத்தான் , அவ நிலத்தை நான் வாங்கிட்டதா சொல்லி , அவ கணக்கில் பணம் போட்டு இருக்கேன். அவ அந்த நிம்மதியில எந்தக் கவலையும் இல்லாம படிக்க ஆரம்பிப்பா.
 

ShanviSaran

Well-Known Member
#4
"அவள் நிம்மதியும் சந்தோஷமும் எனக்குப் போதும் மச்சான் , அவள இப்படி ஏமாத்தி கையெழுத்து வாங்கினதும் எனக்கு கில்ட்டியா இருக்கு. அதுக்காகவே அவளப் பார்க்க சங்கடப்பட்டு கிளம்புறேன்"

தீபக் எழுந்தவன் கார்த்தியை இறுக்கமாக அணைத்து" என்னை மன்னிச்சிரு மச்சான் , திவ்யா கொடுத்து வச்சவடா உன்னைப் போல ஒருத்தன் கணவனாகிடைச்சதுக்கு , நீ தைரியமா வெளிநாடு போய்ட்டு வா. இங்க என் தங்கச்சி சந்தோஷமா படிப்பா. அது மட்டுமில்ல உன்னையும் நினைக்க ஆரம்பிச்சிருவா"

"தீபக் அவ படிப்ப டிஸ்டர்ப் பன்ற எதுவும் அவளுக்கு தெரியக் கூடாது. இது என் மேல பிராமிஸ் , ஆமா சொல்லிட்டேன்''

"ஓகே டா , எங்க மூலமா வெளிய வராது, இது சத்தியம் "

திவ்யா கார்த்தியைத் தேடுவாளா ? அடுத்தப் பதிவில் பார்ப்போம் நட்பூக்களே ....
 

Saroja

Well-Known Member
#8
செய்தது சரியில்லை என்றாலும்கூட
உரிமையோடு காதலிக்கு செய்ய வேண்டும்
என்று நினைப்பதை ஒத்துக் கொள்ள வேண்டும்
தீபக் விக்ரம் நட்பின் இலக்கணம் அருமையான பதிவு
 

Latest profile posts

Sorna santhanakumar sis waiting for ur update
விட்டு செல்லாதே கண்மணியே அடுத்த வாரத்தில் இருந்து தொடரும் ஃப்ரெண்ட்ஸ்.....எக்ஸாம் and ஹெல்த் problemனால இந்த லேட்...மன்னிக்கனும் தோழமைகளே !
hiii friends... manjal vaanam konjam megam episode 2 posted.. read and share ur comments.. :) :)
எனை எரிக்கும் ஈர நினைவுகள்! 12 போட்டாச்சு. படிச்சுட்டு உங்கள் கருத்துக்களை என் கூட பகிர்ந்து கொண்டால் மகிழ்ச்சி.

Sponsored

Recent Updates